قصائد من الشاعر ابو احمد الحداد

قصائد من الشاعر ابو احمد الحداد بمناسبه مولد النبى

بسم الله الرحمن الرحيم
اللهم صلى على سيدنا محمد وآله الطيبين الطاهرين

قصائد شعرية بمناسبة مولد الرسول الاعظم
النبي محمد صل الله عليه و آله و سلم
للشاعر ابو احمد الحداد
...................

اليوم عيد والهوى طرب
ولد الرسول وليلنا رحب

اليوم غنى صفوه بسعادة
عزفت شداه بصوتها العذب

ياليلة الميلاد أنتي بهية
قمر يضيء بنورها الشهب

فشذى الوجود بروعه في مولد
سهرت عيونا فاخرت حقب

طيف يضاهي بلونه بشفافة
عطر يفوح بنسله النسب

محمد أنت الوليد لأمة
شوقا أتيت مكارما كسبوا



محمد نجوى لقوم ظلالة
جئت الأنام رسالة أدب

مات اللئام لسمعهم بولادة
شاعو عليه بساحر نسب

أنظر لكسرى قد هوت أركانها
طوعا لأمر بالنبوة يخطب

والخطب نادى مدويا أقلاعه
نار المجوس وهولها والمقلب

هو للهدى نور يناط بحله
أهدى الخلائق صدقه والمطلب

عرس يزف بليلنا متألقا
شعر يقال بمدحهم والمشرب

محمد ضاهى النبوة صبرها
خلق رفيع سامها ومؤدب



محمد ذكر , علاء , للنفوس طبيبها
فصلاتنا حمدا لأخرى تحسب

فالذكر يحلو بالختام قصيدتي
صوت يدوي بالصلاة ويرهب !



بسم الله الرحمن الرحيم
اللهم صل على محمد و آل محمد الطيبين الطاهرين
.................

كلشي بهل الزمن
يائس بكه ومحزون ..
بس يوم النبي المولود يتخلد!

وكلشي بهل الوكت
ظني يكون اجحاف .. للمظلوم
بس نورك محمد
دومه يتمجد..!

وكلشي اعله الوطيه
اوماأظن مصيون ..
من هاي الخليقه تجاوزت للحد !؟

وكلشي احسابة بالميزان
من مولود ..
موصوف بكماله ..
الخالق الأوحد !


وكلشي الكاله بالقرآن
ربنّه ودونّه بآيات ..
فسره النبي الأمجد !

جان أمر الخليقه
يماطل الأزمان ...
بعلومه البسيطه ..
ايشبخ ويخمد!

وجان ابن آدم بتضليل
عايش كل حياته ..
بلهجة العدوان ..
اومايمنعه الحد !

ظل أمر البشر
والناس والحكام .. ظلاله
آفاقه بعتمة ...
زمنه اتصد !

لحد ما أرسل الباري
أمر تبيان هاي الناس ...
وانطاه ولاده
بنوره تركد ....!

محمد .. بشر الوادم
رساله ودين .. جابلهم
ضمان الجيتّه وأكد !!

محمد .. بالولاده اتبشّرة آفاق
مكتوبه بكرامه
والنهج أيد .. !

محمد .. شع جماله اعله الوطيه وزاغ
رسول الله انولد للناس
والتاريخ يتهجد !

محمد أسمه بالتورات والأنجيل
والقرآن جاي بكل ذكر أحمد !

هلا بك يارسول الله
ونبينه وبيتك الأطهار !

هلا بك ياوصي الدين
عمرك ناصر الأخيار !


هلا بك ياشفيع الأمه بالأسلام
يومك عامر الأنوار !

هلا بك ياسلالة آدم وحوّه
مجيئك فاخر الأبرار !

أسمك بالعرش مكتوب
مخطوط بسفينه
شراعه الأيمان مهما صار !؟

اليوم الولاده تعود عل الوادم
فرحانه ابمجيئك
يانبي المختار ..!

طه تكون للأمه
اووصي الأسرار !

محمد انته عروتنه
بثباة بحيدره موصول..
شال أوسامه بالزهره
الولي تذكار...!

بسم الله الرحمن الرحيم
اللهم صل على محمد و آل محمد الطيبين الطاهرين

مقطوعة ورديّه
للشاعر ابو احمد الحداد
أهديها
لزواج النبي الأكرم من السيدة خديجة الكبرى س.
...................

عرس ... والعريس
جبريل اليزفه ويحضر بعرسه !

وتطوف الحواري وياه
وتسبّح ملائك..
بالسمه اتحسه !

عريس ... بزفافه طيور
تسبح من تغرد
صوته اتلمسه !

والدنيه بمطر غركانه بيه أنهار
كل ماي بزلاله
ونوره مقتبسه !

بعيون الطبيعه اتغازل الأشجار
خضرّه ورودّه وقداح من شمسه !

العر س عنوانه آيات وذكر تهليل
والمعرس محمد
سيد الكونيين .. لاتنسه !؟

ولاتنسه الوحي ..
بزفافه شال شموع
بأنوار العرش والخالق ايحرسه !

خديجه اوياه من عمر الشباب
اولازم العشرين...
والهسّه !!

رساله من العرش
مختومه للمختار ...
يبلغه أمر الرساله
أعلامه .. برسّه !!!
.............
عرس من حكنه نفرح بيه
رسول الله وخديجه
والصهر حيدر ... !



عرس ماله بنظير اليوم
والنطفه الأمومه..
الحضنة الكوثر !

عرس ناله بفخر
وتسجل بأعمار ....
من ذيج الأجنده الحفظته وتنسر !!

عرس يمر ذكره
بربيع الأول وينعاد عل الشيعه
ونسيمه البيعه تتكرر !!

نذكره بكل صلاه
وأصواتنه بأيمان
والمحفل جبير ...
الماحضر يخسر !!؟



بسم الله الرحمن الرحيم
اللهم صل على محمد و آل محمد الطيبين الطاهرين

عنوان القصيدة
ذكرت آنه بفرح وأعراسي بالميلاد..!!
.......................

ذكرت آنه بفرح وأعراسي بالميلاد
أتغنه بولاء براية .. ماتقهر !

وأكول وياكم أشعاري بأمل وبدين
ماأتخله عن حبي برسم أكبر !

وأتروه بنبع وأشرب زلال الماي
كمعاتي المعاني بوزني .. أتبحر !

وأشد جلمات شعري بقافية ألحان
أغنيه بوتر وبصوتي .. أتبختر !

هاذه آنه بولاء وحافظ بأيمان
كل أحكام ديني وأطلب .. الكوثر !

ميهمني الزمان ينوحط بهل الناس
مغرور بدرس وعلومه .. تتكسر !

كالو للروافض تاهيمينه أفعال
نعيف الله بحكمهم وأحنه .. نتوذر !!؟

تهمونه شرك بالدين والقران لو يحجون
أفتونه بقتل واليفتي .. يتشمخر !؟

ليش الله ورسوله وعترته بيا صوب
بس همه الدليل اوياهم بتاريخ .. يتعثر !؟

سالوفه بحلك ملعون بن جبريل صرنه
وي الوهابي البايع النوماس هل الأكشر !

لبكه بنيتي وجلبابي من الروح
ماأخسر ولائي العايش .. الأشتر !

وكل أحنه بعرك مزروع بالشريان
دمه يماشي كل جسمي وأبد ... مايحذر !!

تركيبة شملنه ويانه لأهل البيت
والثنوه الولايه آذان عل المنبر !

كولوه بصلاه وتشاهدو بتوحيد
وأحنه بكل ركوع وسجده .. نتعثر !

وميهمنه النذاله اتكابح الوجدان عل المكشوف
لن غيرة عدونه أحضانه .. ابعازر !!؟

خل أولادكم عنوان لأهل الجود
والفنجان رناته جرص صرخاته .. تتكرر !

تكول آنه الفرات بدمي وبمجراه
يتلاكه ابحر ممدود وسدوده حصن خيبر !

بمولود الرسول اليوم والعنوان جبير
حروفه من جبريل تقراه بفرح .. تنسر !

رحمه ونور ميلاده صفه الرحمن
أنطاه الرسوله وضامن .. المحشر !!

كل ساعة فرح هل اليوم لاتنسون
تذكرون الأمامه الصادقه ... بجعفر !

بربيع الكمال اتعين بأنوار وتكامل
كماله أشعاع من ... حيدر !!


من بنته بوراثه تناسلة أجيال
شانك يامحمد حاير .... او أبتر !

صلو بهل المسيه وسبحّو بأخلاص
لن أنتو بمسيه احسابه .. ابمحشر !!؟

وأدعو للوطن وياكم ابعرفان
لن ترابه ذرات بزرع ... أخضر !

يتشابك عصفه بكل مناره وذان
من احسين للعباس توصل حده
للكرار من تفتر !!

للكاظم هواه ايناطح منارات
تكصد للجواد بجوده ... تتبشر !

ويسافر حزنه يصافج الأيدين
تنظر حال سامره بدمع .. أحمر !!

يتعاود عليه الثار عمره ادهور
للمهدي بعزيمة جفه .. من يظهر !